Impor? Bikin kite lumpuh

Impor itu ibarat beli makanan di luar, sedangkan produk dalam negeri itu ibarat makanan masakan emak,,,, Se ga enak enaknya masakan emak, tetaplah masakan emak, kalo dimakan abis bakalan bikin seneng nyang masak,,, Kalo udah keseringan beli makanan di luar, lama lama kebiasaan terus jadi ketergangungan... Ya awalnye enak enak aje beli makanan di luar yang rasanya lebih enak ame harganye lebih murah,,,, tapi kebersihan ame kandungan gizi ame proses pembuatannya gimane? Bisa jamin kaga? Lama lama, kalo udah ketergantungan ame makanan di luar, terus makanan masakan emak kagak laku, terus emak ngambek kagak mau masakin lagi... Lah kan brabe... Terus karna si penjual makanan ini udah merasa kalo kita ketergantungan ame jualannye die, nah die semena mena dah nentuin harga... Gitu juga ame impor, misal nih impor garem, misal emang harganya lebih murah, tapi itu sedikit banyak bikin kagak laku garem hasil produk dalem negeri. Awal awal impornya dikit, petani garem nyang ngambek dikit, terus kuota impor ditambah, petani garem makin ngambek dah gegara harganya jadi bersaing, akhirnye pada banyak yg mutung kagak mau jadi petani garem lagi,, gitu aje terus sampe impor garem jadi 100%. Tapi kan kalo beli produk dalem negeri harganya lebih mahal? Yaelah kita beli produk dalem negeri biar mensejahterakan sodara kite sendiri, kalo kita makenya produk impor mulu, nyang kaya ya para importir, yang tersejahterakan ya rakyat negara lain,,,, berkorban dikit ama sodara se bangsa ama se tanah air ngapa, katanya ngaku saya pancasila.. Mana buktinye? Ya bukan gaboleh impor 100% juge, kalo emang negara kite kagak punya dan kagak bisa bikin ya sambil belajar bikin, boleh lah impor. Tapi inget, kite harus sambil belajar juga sampe bisa bikin sendiri. Pan saya jualan seblak, nah bumbu utamenye nih bawang putih. Nih ya kalo dolar naek siap siap dah bawang putih juga ikutan naek, karna ntu bawang dibelinye make dollar, lantaran bawang nyang ada di pasar impor semua dari china ama dari india. Meskipun china mata uangnya yuan ama india mata uangnya rupe (eh bener ga si?) , tetep aja transaksinye make dollar... Aye ngrasain dah gimane ntu harga bawang naek turun kayak roller coaster, harga cabe jugaaaa... Salah satu produk nyang kite udeh ketergantungan juge tempe. Percaya kagak percaya kata dosen aye, 90% kedele kite ntu impor dari amerika, nah kalo ntu amerika mau iseng dikit aje, terus nge embarg kedele ke endonesia, siap siap aje mahasiswa langganan konsumsi 4T (tahu tempe telor terong) kena imbas... Contoh lagi ni ye, endonesia ntu 100% terigubya impor. Ya 100 %. Nah krasa kan roti udah jadi pengganjel perut kite kite, bukan lagi pisang rebus atau comro? Ketergantungan impor bikin negara kita lumpuh lama lama..